ائل خاديمي
هرنمه نه ،هر يئردن!
  صفحه نخست       |       تماس با مدیر       |       پست الکترونیک       |       RSS       |       ATOM
 

آدديم آدديم ،ائل ه ساري

اوره يين له، دينله ييرسن، سسي؛بو سس ،وطن سسي دير!هه وطن سسي دير! وطن

وطني ياشاديرسان اوره يينده! چيرچينليك دن اوزاق،اوره يين ده!يوخويا وورماميسان اؤزونو

يوخويا گئتمه يين گؤزلرين له،آيدين گؤروسن!

بيليرم  اوره يينده ياشاديرسان وطن سؤزجوكون! شرف سنين گؤزلرينده دير! سنين كيمليگين، شرف جينسيندن دير!

شرفلي اينسان اؤز شرفيله ياشار؛شرفسيز نه ائيله ياشار! شرف قايناغي، سن سن!

سنين آدديملارين ،قارانليق پوزاندير! يادلار قورخمالي ديرلار، سندن!سن،آيدنيليق قايناغي سان






نوع مطلب : ، 
برچسب ها :
ارسال شده در: پنجشنبه 24 اسفند 1391 :: توسط : ائل خاديمي

19ياشلي ايرانلي قيزين ،اوستادليق كورسوسون، اله گتيرمه يين سؤزصوحبتي هر يئرده دينله نيلينير!سؤيله نتي ني (شايعه ني) اوخوياق:(فيس بوك اؤرنه يي)

" عاليه صبور"،19 ياشلي ايرانلي-آمريكالي گنج قيز،بيليم يوردونون اوستادليق كورسوسون اله گتيردي؛بئله ليك له بو 19ياشلي ايرانلي قيز ،دونيانين ان گنج اوستادي اولاراق؛ آدين گينس كيتابيندا ثبت ائله دي!

پايلاش! ايرانليغيوي دونيايا گؤسته ر!هموطن!

اما گئرچك!!

بو خانيم قيزين ،آدي تام يازقي وقايناق لاردا،Alia Sabur    ذكر اولونوب! و فارسجا اوخونوشو ويازيليشي،"آليا سابور" اولور!

"آليا سابور"،1989نجو ايلده نيويورك دا، آنادان اولوب و دوغوردان،19 ياشيندا ،گؤنئي كوره نين بيليم يوردوسوندان اوستادليغا صاحيب اولوب.

آليا سابور، اؤز سيته سينده، ايراندان ويا اؤزونون ياري ايرانلي اولماغيندا هئچ سؤز آچماييب!!

بو سؤيله نتي،عرب لرين پايلاشيم سيته لرينده ايسه گؤرونو!اما اونون دا هئچ دوغرو قايناغي يوخدور!

آرتيرماليدير؛بو 19ياشلي قيزين،آناسين آدي،"جوليا "و آتاسين آدي،"مارك" دير؛ بو قيزين ،ايرانلي اولماماغي ،آتا آناسين آدلاريندان  ايسه ،بللي دير!

 






نوع مطلب : ، 
برچسب ها :
ارسال شده در: شنبه 19 اسفند 1391 :: توسط : ائل خاديمي

بوشكيل ،دفعه لرله،توپلومسال سيته لرده ، فرقلي باشليقلارلا يايينلانيب:

-اوشاق ايستيثمارينا، قارشي چيخانلار، بگه نسينلر(لايك ائله سين لر)

- بئله نچي ،ييرتيجي آتا آنانين ،ال قولو،قلم اولسون

-ايشسيز ايله معتاد دده، اوشاغين،كوتك له يارالادي

اما گئرچك!

بو اوچ ياشلي، قيزين آدي «كيتي Katie» دير،كيتي،اوشاق باغچاسين ايلنجه زنگينده،ايكي ياشلي يولداشيندان كوتك يئييب وتاپدالانيب!

كيتي،آمريكانين ،لايسسرشهرينده ياشايير؛"ديلي ميل "سيته سينده،بو خبري گؤره بيلرسينيز!

ديلي ميل

 






نوع مطلب : ، 
برچسب ها :
ارسال شده در: شنبه 19 اسفند 1391 :: توسط : ائل خاديمي

ايكي تيمين،كئچميش يئددي ياريشلاريندا،اوچ اودقو تراختورون پايئ  و بير اودقو استقلال ين پايي اولوب و اوچ اويوندا،برابر سونوجلا سونا چاتيب.

اون ايكينجي دووره-ييرمي دوققوزونجو هفته

استقلال-تراختور

اويون ساعاتي:۱۷:۳۰

ايستاديوم:آزادي

مئيدان حاكيمي: سعيد مظفري زاده

 

ايكي تيمين كئچميش گؤروش لرين سونوجو:

تراختور۱ - 1 استقلال / استقلال 2 - 2 تراختور / تراختور 1 - 1 استقلال / استقلال 1 - 2تراختور / استقلال 2 - 3 تراختور /تراختور0 - 2 استقلال / تراختور 2 - 0 استقلال

قوناقچي:استقلال

تهران نين استقلال تيمي،كئچن ايكي اويونوندا،اودقو الده ائتمه دن،هئچ گؤركملي گؤسته ريشي ده اولماييب؛استقلال،سون دقيقه  ده،صبا باترين قارشيسيندا ووردوغو گل ايله اويونو برابرليگه چكدي و اؤزون اودوزماق اوچوروموندان قاچيردي.

امير قلعه نوعي تراختورون كئچن فصلين باش مشقچي سي، بو ياريشيدا،هئچ مصدوم ومحرومو اولمادان ،تراختورو قارشيلاياجاق؛قلعه نوعي،اولدوز اويونچولارينا قوللانماق ايله،كئچميش اويونلارينا بير دؤنوش نوقطه سي قويماق ايسته يير.

آرتيرماليدير،استقلال كئچن28اويونوندا ۱۸اويوندا اؤز دروازاسين قورويوب وهئچ گل يئمه ييب!

استقلال ،ان ياخشي اودقوسون،فجرسپاسين قاباغيندا اله گتيريب(بئش هئچه)

استقلال ين ،ان پيس اودوزو؛تراختورون قاباغيندا اولوب(۲هئچه تراختور خئيرليگينه)

 

قوناق تيم:تراختور

تراختور ،بئش پادار اودقو ايله استقلال ين قارشيسينا چيخاجاق؛تراختور ،بو اويوندا استقلالي اوتماقلا ،اؤزون جدولين بيرينجي يئرينه يئتيره بيلر.تراختور۵۵ايمتيازلا،جدولين ايكنجي سيراسيندا يئرله شه رك؛قهرمانليغا اؤزون ياخينلادير.

مهدي ثابتي،تراختورون ياشلي اما تجربه لري گللري، كئچميش اويونلاردا ياخشي بير گؤسته ري له ،بو اويوندا ،تراختورون دروازاسين قوروياجاق.

تراختورون ساوونماخطدي،كاپيتان مرتضي اسدي و نصرتي ين، ايش بيرليگي له ،سينماز بير خطده دؤنوب .

آرتيرماليييك،سيد صالحي۱۳گللا،ليگين ،گل وورانلارجدولين، اوستون اويونچولاريندان دير.

 

بو ياريشين، اؤزل نوكته لريندن بيريسي؛تراختورون يانداشلاري اولا بيلر،تراختورون يانداشلاري ،تراختورون اويون قوراليندا،ان اؤنملي اؤينامي ،اويناييرلار.

 






نوع مطلب : ، 
برچسب ها :
ارسال شده در: پنجشنبه 17 اسفند 1391 :: توسط : ائل خاديمي

اؤنملي اودقو!!

اون ايكينجي دووره-ييرمي سككيزينجي هفته

تراختور-نفت تهران

كئچن اويون:۱-۱برابر

 تماشاچي سايي سي:۱۵مين نفر

ايستاديوم: ياديگار ايمام

مئيدان حاكيمي:محسن قهرماني

تراختور: مهدي ثابتي- مصطفي اكرامي- مرتضي اسدي- محمد نصرتي- محمد ايرانپوريان- مهدي كياني- مهدي كريميان- فلاويو لوپز- محمد ابراهيمي- جواد كاظميان- سيدمهدي سيدصالحي

 نفت تئهران: حامد فلاح‌زاده- وريا غفوري- بهمن كامل- احمد آل‌نعمه- وحيد حمدي‌نژاد- ميثم حسيني- يعقوب كريمي- امين منوچهري- محمد منصوري- عليرضا عزتي- محمدحسين مهرآزما

 

اويون آچيقلاماسي:

"تراختور" و"نفت تئهران "،هرايكي سي جدولين يوخاري يئرليرنده يئرله شن تيم لردن اولاراق ؛اويونو احتياط و ديققت له باشلاديلار.

"اوليويرا" و"ابراهيم زاده " ،بو ياريشي ،بير حساس ايله ۶ايمتيازي لي اويون ساياراق،اويونون هر آني نا پيلان تؤكمك له بير قانيت لي(منطق لي) باشلانيش ايله اويونو ايره لي آپاريرديلار؛بو احتياطلي اويونون ايلك ۱۵ دقيقه سين ،سونوجو يالنيز ايكي ياريمچيليق گل دورمو ايدير.

بيرينجي گل موقعيتي، "يعقوب كريمي" نين آياق ضربه سي دير ؛ايكنجي ياريمچيليق گل دورمو "سيد صالحي"ين گوجسوز باش ضربه سي  دير كي، توپ،"نفت ين "گللرين (دروازه بان)قوجاغيندا يئرله شدي.

"يعقوب كريمي" ۲۲ ينجي دقيقه ده؛ بير۳۰ -۴۰مئتيرليك قاچيش ايله "ثابتي " له اوز به اوز اولدو،اما "نصرتي" سون آندا،توپو كورنره يوللادي.

اويون كئچديكجه ،"تراختور" اويونو اله آلاراق ۳۳نجو دقيقه ده "محمد ابراهيمي" ۶مئتير ايچينه گيردي، اما دوزگون آياق وورمادان توپ بوشا گئتدي.

بير دقيقه سونرا "محمد ابراهيمي"،گل پاسي وئردي؛"سيد صالحي" بو سانتر پاسين، جاوابين ،بير باش ضربه سيله وئردي و بئله ليك له "تراختور "بيرينجي گل ون ،آتدي.

بيرينجي گل دان ،ايكي دقيقه كئچمه دن،"كاظميان" نفتين گللرين سهوينه قوللاندي وتراختورون ايكينجي گل ون، سونوجا يئتير دي.

"نفت"، بير دقيقه سونرا"تراختورون"، ايكي گل ونون، ائتگي سينده ،گل لارين، ايكي سيندن بيريسين جاوابين "عليرضا غزت "ين باش ضربه سي ايله وئردي.

"نفت" ين گل وندان سونرا، ايلك يارينين سونونادك اويون ،ياواش گئديشينه داوام وئردي.

ايكينجي ياري

ايكينجي ياري،ياغيش ايله باشلادي،ايكينجي ياري دا ،اويون اورتالاما سطحدي دير،"تراختور" ايكي گولونا  راضيلاشميشدي ؛اما هر ايكي تيم زهرلي حمله لر له اويونا داوام وئريرديلر؛"يعقوب كريمي" و "آل نعمه "نين اوزاقدان ورولان شوت لري ده ،سونوجون دگيشمه سينده ايز بوراخماديلار،البته"آل نعمه" نين گوجلو شوتو "تراختورون" تورونا ياپيشدي؛ اما حاكيم ،بو گلو آفسايد چالدي!بو اولاين ائتگيسينده، "نفت" ين اويونچولاري اعتيراض ائت مه يه باشلاديلار. 

بئله ليك له،"نفت تهران" ۱۰ اويون اودوزمادان؛اون بيرينجي اويونون اودقو ايله بيتيره بيلمه دي و"تراختور "بير اؤنملي اودقو قازاندي.

 دگيشديرمه لر

-"گيلسون سووارز"،۸۶ينجي دقيقه ده ،"سيد صالحي" ين ،يئرينه مئيدانا گيردي

-"مسعود ابراهيم زاده"،۹۰ينجي دقيقه ده،"فلاويولوپزين" يئرنه مئيدانا گيردي

 






نوع مطلب : ، 
برچسب ها :
ارسال شده در: دوشنبه 14 اسفند 1391 :: توسط : ائل خاديمي

 

ايسپانيا اؤلكه سين ،چوخلاري" فيلامئنكو" رقصي له و يا ملي فوتبول تيمي يا "اسپانيا گيتاري" يا "دون كيشوت" ناغيلي ايله يا دا "زيتونو" ايله يا......تانيييرلار؛اما "ايسپانيا" آدلانان اؤلكه، باشقا باخيم لاردان دا باخمالي دير.

گئنل بيليگي:

باش كند:مادريد

رسمي ديل :ايسپانيا ديلي ،(كاتالان و باسك و... اؤز بؤلگه لرينده رسمي ديرلر)

اؤلكه ساحه سي:۵۰۴.۷۸۲مئترموربع(۵۰ينجي اؤلكه)

نوفوس:46,030,109 (۲۷ينجي اؤلكه)

ائيتيم:۹۷٪ساوادلي

پول واحيدي:يورو

 

 ايسپانيا اؤلكه سي ،"آوروپانين" گونئي باتي سيندا ،"ايبري "ياريم آداسيندا يئرله شيب،اسپانيانين رسمي آدي،"اسپانيا پاديشاه ليغي" دير؛ ايسپانيا، آووروپا بيرليگينه اؤيه دير.

بو اؤلكه،قوزئي دن ،"فرانسا" و"آندور" ،باتي دان ،"پورتغال "و گونئي دن،" جبل الطارق" و"مراكش" اؤلكه لري له قونشودور.

سو سينيرلاري،دوغو دان ،"آغ دنيزه" و باتي وقوزئي ايسه "اطلس اوقيانوسو" ايله قونشودور.

ايسپانيا ۱۶ و۱۷ ينجي قرن لرده ،دونيانين، ان بؤيوك  وگوجلو سومورگه چي(استعمار) اؤلكه لريندن ساييليردي.

ايسپانيانين حوكومتي۱۹۳۱ دك مشروطه ايدي؛بو ايل ده ،جومهوريته دؤندو؛۱۹۳۶  دا اسپانيا ارتشي،ايسپانيا جمهوريتين دوولتين، ساقيط ائتمه يه چاليشدي،بو چاليشمالارين سونوجو،ايچري ساواشي و۳۰۰۰۰۰نفرليك قيرغين ايدي؛"نازي آلمان" و"فاشيست ايتاليا"نين،دستك و يارديمي ايله ،"ژنرال فرانكو" ايش اوستونه گلدي؛،بو دووره ده ،تام مدني ويئرل اوجاق لار كور اولدو ؛بئله ليك له ايسپانيا بير قارا دووره گيردي .

۱۹۷۵ده "فرانكونون" اؤلمه يي له برابر، آزادليق يئنه ايسپانيا اؤلكه سينه ساچدي و۱۹۷۸ده يئني "آنا ياسا "يازيلدي؛يئني" آنا ياسا" سينا اساس، "كاتالان" ،"باسك" و"ناوار" بؤلگه لرينه اؤز اركيليك (خودموختارليق) وئريلدي.

آرتيرماليدير ،ايسپانيا اؤلكه سي ۱۷ خودموختار بؤلگه لره بؤلونوب،البته باشقا اوزدن ايسه،اسپانيا آدلانان اؤلكه ۵۰ اوستانا بؤلونه رك؛ هر خودموختار بؤلگه،نئچه اوستانا بؤلونوب.ايسپانيانين باش كندي،"مادريد" دير.

ايسپانيا آدلانان اؤلكه نين، ان آدليم ايالت لري" باسك" و"كاتالان" دير؛"بارسئلون" ليماني ،كاتالان ايالتين مركزي دير،بارسئلون ۱۶۰۰۰۰۰نفرنوفوس ايله كاتالان واسپانيانين ان آدليم شهري آدلانير.

ايسپانيا آدلانان اؤلكه نين،رسمي ديلي ،اسپانيولو دور؛ اما هر بؤلگه ده ،يئرل ديل رسمي ديل ساييلير.

ايسپانيالي لار ،بير گوجلو ايله چوخ دانيشيلينان ديله دونيا دا صاحيب ديرلر؛اما ايسپانيا آدلانان اؤلكه ده ،باشقا ائل لر وديل لره حورمت له، گليشمه ايمكاناتي وئريلينيب؛ايسپانيا ديلي، چوخلو اؤلكه لرده قونوشماچي لاري وار، اوجومله دن، گونئي امريكانين تام اؤلكه لرينده (برزيل دن سونرا) ايسپانيولو رسمي ديل ساييلير؛اماايسپانيا دوولتي بو گوجلوك وقونوشماچي لارين ساييسينا   باخماياراق؛ايسپانيا آدلانان اؤلكه ده ،باشقا ديل لريده رسمي ائديب ؛اوجمله دن كاتالان  وباسك ديليندن آد آپارماق اولار.

ايسپانيا دوولتي،باشقا ديل لرين قونوشماچي لارين(گويشور) آراسيندا، بيرليك ياراتماق اوچون ،ايسپانيا اؤلكه سين، رسمي ملي مارشين ،سؤزسوز موزيك ائديب .(سؤز و كلام اوندا هئچ يوخدور)

 

 






نوع مطلب : ، 
برچسب ها :
ارسال شده در: یکشنبه 13 اسفند 1391 :: توسط : ائل خاديمي

ايچي قارا گيردكانا، قوللانماقدان چكينين!

گيردكان ايچين ،آغليغي گركير؛قوز ايچين، قارالماق ندنليگي ؛كپك لر وگؤبه لك لرين بؤيومه سيندن آسيلي دير!

بو عاميل لرين، بؤيومه لرين ائتگيسينده،تحلوكه لي،آغي(سم) اوجومله دن،مايكو توكسين لر، اونلاردا تؤره نير؛

مايكوتوكسين لره بولانميش، يئييمتي لره ،قوللانماقدان چكينمه ليسينيز!

گيردكان ايچي،انبارليق آفت لر وگؤبه لك لره چوخ حساس دير؛ و اويغونسوز دورمدا ساخلاماق ائتگي سينده،سورعتله،بئلنچي موادلارا كيرله نر(آلوده له نر).

گيردكان ايچين ،بوللو ياغي،كهنه ليگ ائتگي سينده، داديندا دگيشيك ليق ايله دادسيزليق يارانار!و هردن صابون دادينا اوخشار داد ، اؤزونه توتار!.

يولدا،گوون سيز(نا اطمينان) فيسينجان خوروشتون يئمه يين دن چكينين!چون  بئلنچي خوروشت لاردا كيرلنميش گيردكانا، قوللانماغين ايمكاني چوخ دور!!آرتيرماليدير؛بو آغي لار،ايستيليك ايله آرادان گئتمز ديلر.






نوع مطلب : ، 
برچسب ها :
ارسال شده در: شنبه 12 اسفند 1391 :: توسط : ائل خاديمي

مترسك دن قورخان سئرچه،آجليقدان اؤله ر!!

 

(چي گوارا)

 






نوع مطلب : ، 
برچسب ها :
ارسال شده در: شنبه 12 اسفند 1391 :: توسط : ائل خاديمي

اوچونجو دونياني، سينيرلي توپراقلار، بللنديرمه ز!

يانليش دوشونمه يين! اوچونجو دونيا ،يئر دئييل! اينسان دي!

اوچونجو دونيا،منم! اوچونجو دونيا ،سن سن! اوچونجو دونيا ،بيزيم دوشونمه ييميزين تهري دي!.......................................................................................................

هه هه!

اوچونجو دونياني دگيشمه يه! ايلك آدديمي،اؤزوموزدن باشلاياق!






نوع مطلب : ، 
برچسب ها :
ارسال شده در: دوشنبه 23 بهمن 1391 :: توسط : ائل خاديمي

 

 

سئويملي راديو ويوا Radio V!Va دينله‌ييجيلري، سيزه سالام گتيرميشيك،قات-قات، تاباق-تاباق!

حؤرمتلي دينله‌ييجي لر، بيزيم سسيميزي، اورتا دوغودان، ائشيديرسينيز!

-اوغول، يئنه سن بؤيوك دانيشدين؟! منده سيزي سالاملاييرام. بيزي، ائله بيزيم اؤز كنديميزدن دينله‌ييرسيز!

عزيزلر "ويوا راديوRadio ViVa"دا، بوگون، يوموشاق ساواشدان، دانيشيق آپارجاييق! اما ايسته ييريك سيزين اورك سؤزلريزي، دينله‌يك! اوزمان، سيزسينيز! باشقا اوزمان، چاغيرماميشيق!

سئويملي "ويوا" دينله ييجي لري، تئلفون آراجي ايله سس سينيز له يورملارينيزي گؤزله‌ييرك!

بيلديگينيز كيمي، يوموشاق ساواشي فرقلي قونولارلا، بيزيم اؤلكه‌ميزه  ايره‌لي گلير! بو آخشام فيسبوك حاقيندا سيزين سسله‌ريزي ،گؤزله‌ييريك!

بلي بيرينجي زنگ چاليندي!!! 

_الو، بويورون...

-الو، بسمه تعالي، اينجانب ممد ام، اؤز كنديميزدن!

خوش گؤردوك، آغا ممد، سؤزلرينيزي، فيسبوك حاقيندا، دينله ييريك...

-هه! من فيسبوك را دوست مي دارم! ائله بوردان فيسبوك خانيما، سالام دئي......

_تاسوفله، باغلانتيميز، آغا ممدله قيريلدي!

 

ـ بله بير باشقا تئلفون

_الو ، من ايسته ييرم خاطره لريم، حاققيندا دانيشيم، اولارمي!

ـ بلي، سيزين سسينيزي، حؤرمتلي، كندداشلاريميز دينله‌يير!

-بو خارش ده اولان، كاناللار كيمي، سيز جهاني دئييلسيز!

ـ يوخ آغا ؛ خاريش ده، يئريندن دوران، جهاني كانال قويور! سيز خاطيره زي بويورون!

_هه دئييرديم، بيرگون يولداشيملا، كوچه باشيندا دورموشدوق، "تئللي ممد"ين،"رپي اوغلو"، سالام وئره‌رك، دئدي: آي بالا فيس ده، هئچ يوخسوز؟!

_دئديم او نمه نه دي! تازا بيسكويت دي!!

_يوخ بابام...

_دئديم،من سنين دده ن، دئييلم هاا ،بيز لرده ،حيا وارهااا!

_ "رپي اوغلان" دئدي، هله‌ليك! فيس ده گؤروشه‌ريك!

يولداشيما دئديم: آي اوغلان... اوگون، قهوه‌خانادا دئييرديلر، "پوست مودئرن" دونيادا، گرگ به روز اولاسان! بهروز يوخ هااا يعني ،آپ دئيت!

بئچارا يولداشيم گيج قالميشدي!

يولداشيمدان آيريلاراق، قوندوم كافي نئته!

دئديم ،آغا منه بير فيس بوك وئر!

_گوله‌رك ، دئدي: ايلش آچيم!

_آغا بويورون ،بودا سيزين فيسبوكوز، شيفره سي ده 12345

_ائله شيفره ني ووردوم، دئديم قوي اوخول (مدرسه) يولداشلاريم تاپيم!

جعفري آختارديم، په‌هووووووو، جعفرين شكيلين گؤردوم! بوستان آوا حاميمندا، احمد، يعقوب ايله بيغلي قادير له شكيل چكيب! جاني يانسين! بيغيوي يئييم!!

 

 

 

دئديم قوي او رپي اوغلانيندا بير آدين آختاريم! آختاريش ووراركن، رپي اوغلانين، آنتاليادا چكميش شكيللرين گؤردوم! بوراسين سانسور ائله ييم!! اما نامحرم ده گؤرونتوده وار ايدي هااااااااا! دا راديو‌دور، دئييرم پيس ايش دي جانيم!!

ـ يوخ آغا راحتجادان ، دانيشين!

_ياخشي...

هه، ائله دولاناراق، گؤردوم، "رپي اوغلان" يازيب اوچ ديل بيليرم! انگيليزجه ،فرانسيزجه وپرشين!!

اوه ه ه، اده بو هله اؤز دوغما ديلين بيلمه‌دن ، بو يابانجي ديللري هارادان بيلير!

البته سونرا بيلديم، فيسبوك دا، بيزيم كندين، يئرلي لري، بئش آلتي ديل بيليرلر، اؤزوده گرك فرانسيزجا يادا اينگيليزجه اولاهااااااااا!

دئديم ائله بو "رپي اوغلان"، ياخشي قايماق دي! يوخ شرمنده! ياخشي، قايناق دي! قوي بونون صفحه سينده بيرآز دولانيم!

باشينيزي آغريتماييم، واه واه، يولداشلارين گؤردوم، الينيزه دوشمه‌سين!!!! مليكا، پوليكا، ائلي، غزال، آهو و باشقا حيوانلار آدي!!! 

مليكا، جانا!! شكيل چكيب، دنيز قيراغيندا، اؤزوده، خاريشلي‌لر كيمي!!

بيرآز ديقتله گؤرونتويه، باخديم، ائله بيل بو قيز تانيشدي!

جاني يانميش خديجه دي دااااااااااا ...

اورادا، دنيز قيراغي دئييل، يومورو تپه چايي دي!!!!

آللاه شئيطانا لعنت ائله سين! قوي گئدك باشقا يئره! بو قيز بيزي گؤره‌نده، چاديراسين توتوب، گؤزدن قاچير!! ايندي بوردا ...!!!

دئديم، آختاريش ووروم! گؤروم، قوهوملاردان بيريسي وار!

"اپروز عمه نين" گؤرونتوسودو، آما "نارينا " يازيب!! آي شئيطان اپروز عمه!!! آديوي دييشيرسن؟!!!

اؤزوده ، آچيخلاما بؤلومونده، بير باشا دوشمه‌يين، سؤز يازميشدي. باشا دوشمه ديم آما سونرا بيلديم او ته‌هر يازيلار، آيدين دوشونجه ليك، سيمگه‌سي دير!!!

يئتيشاق اپروز عمه نين شكيللرينه!! واه واه!!! 

يارمچيليق، آچيق، 3*4، دنيز قيراغي، موبايل الينده، دووار قيراغيندا، گؤزلوك گؤزونده، اؤزوده  هري پاتئري لردن هاااا و.... بولار سانسور اولدو! نه جورده اولسا عمه م دي داا !!دوزدو60 ياشي وار آما..... اؤرك دي دااا ايسته‌ييرر، رحمتليك اري، دونياسين دگيشيب!

هله، شكيللري آچيقلاييم باشا دوشه‌سيز!

"اپروز عمه ني" ،بيز چاديراسيز ،گؤرمه ميشديك! آما بوردا گؤردوك!

هه، فيسبوك دا، دوكتور ايله عكاس كيمي ،محرمدي!!!

يارمچيلق گؤرونتو!! اپروز عمه تويدا ساليب. ياريسين كسيب، آلتيندا ،يازيب، پارتي با بچه هااااااا

آچيق گؤرونتو، باغيشلايين، آلت پالتارلاريلا چكيب! من بوندان، آرتيق آچيخلايانمارام!!

 دنيز قيراغي؛ بو شكيل آچيق شكيله گؤره بيراز،حياليدي!! بونلاري اؤزوز سانيندااااا

موبايل الينده؛ اؤزوده گرك، آلما شكيلي اوستونده اولاهااااااااا. اپروز عمه، بو شكيل ده، يالنيز موبايلين گؤسته‌رمك ايسته يير!

دووار قيراغيندا؛ سينه، يئلله نه رك، دئفر دالييا ساري!!!!!! اپروز عمه، كوينگين جيرلارهااااااااااااا

3*4؛ واه-واه ، گؤي قورشاغي كيمي، يئددي رنگ دي!!! نمه اوجوزلو، بزك وار، صوفتينه ياخيب!!

غونچه دوداق؛ اپروز عمه، ائله قديمدن، آغيزدان ساز ايدي!! اونا گؤره تئيخا شكيل چكنده، دئييردي هولووووووووو

گؤزلوك گؤزونده؛ اپروز عمه نين، گؤزلري قارتال گؤزو كيمي، محرّم آييندا، احسان آختارار!! آما بوردا گؤزلوك تاخماسين باشا دوشمه ديم!سيز بيلسه ز، منه ده، دئيين

 آغا دا تشككور! يئتر بيزي!!!

_هله "راديو ويوا" قاليرهااااااااا!!!!

ـ يوخ دده! هله ليك! سن ايله "عمه وي"، تانري يا، تاپيشيرديق!

ـ سئويملي دينله ييجي لر، باشقا تئلفونو دينله يك...

_الو، سالام

ـ بويورون...

_ او ،قاباكي تيلفون زنگ ائله يه نه، دئيين، عمه وي، گؤرمه ميشم موشتري يه م!!

ـ باغلانتيمز ،يئني موشكل له، اؤزبه اوز اولدو!

عزيزلر، بيزدن بوقدر هله ليك!

ـ او ، اپروز عمه نين ، نومره سين، منه ده وئر!

ـ اوغلان سسي باغلا!! !

 

ايليك دفعه، راديو ويوا دا ياييليب!






نوع مطلب : ، 
برچسب ها :
ارسال شده در: سه شنبه 10 بهمن 1391 :: توسط : ائل خاديمي


( کل صفحات : )    1   2   3   4   5   6   ..   9   
 
درباره وبلاگ
هرنمه نه ،هر يئردن
مدير وبلاگ : ائل خاديمي

بالاجا خوخان

موضوعات
 
صفحات جانبی
آمار وبلاگ
کل بازدید :
بازدید امروز :
بازدید دیروز :
بازدید این ماه :
بازدید ماه قبل :
تعداد نویسندگان :
تعداد کل پست ها :
آخرین بازدید :
آخرین بروز رسانی :