نه خبردي!

يئرين تيتيره مه يئ لازيم دئييل!

منيم ديلك قصريم، بالاجا چيلتيكله  پوزولار!

يئر تيتيره يير،قورخو،سئوينج له  ياريشير!قورخو ياسا اوستون گلير!

آختارير آناسين باغرين! اللرين آچير ،آناسين ،الي يئرين وئرير،داش قوم ،توزتوپراغا! قارانليق ،اوزاقليق!ساييلماماغ!

كؤرپه سسين  دينله دي!آناسيز بالا،جانليلارين ايچينده يئرله شه رك ،آناسي اؤلولره قاتيلير!اوشاق ساييلدي،گله جه ييده ساييلاناجاق!! 

بالاجا قيز گؤز ياشيلا،چاي اولماق ايسته يير !چاي اولا ،سئل اول،گوج اولا، آناسي سوسوز اولمايا؛

آناسي يئرآلتيندا، بالام لاي لاي دئيير!

قيزحسرتله ائوينه باخير ،ائوده آتا يوخ آنا يوخ،كيمسه يوخ!

آناسين يئنه لالاي سسين دينله يه جك!

قولچاق الينده،آنا اولماق ايسته يير قولچاغينا! ايسته مير قولچاغي آناسيز اولا!آناسيزليق غمي اونا تانيش دي!

سن آنا اولموسان! 

 آي بالاجا قيزيم! ياشيد لارين عموپورنگه باخير گوگلورلر! سن يالاندان گولمسه ييرسن تا قولچاغين آغلامايا!!

سن چوخ تئز ،آنا اولدون!

محرم عمي سنده گلدين!

گئت سونرا گل!

آتام ائوده دئييل! محرم عمي اوشاقلارين ناقيشلي اويناماقلاريندان فيليم چكيردين!

گئت عمي جان!هله اويناماق زاماني دئييل! آنامي آختارماق لازيم! آتامين گلماغي لازيم !

گئت عمي جان! من دا پرنسس دئييلم! آنايام ،بالاما!

ي

يايدا كسگينليقلا دئمك اولار ايستي هاوا بدنه ياخشي يا پيس ايزي وار!ايستي هاوا احوالاتيميزي قاريشديرا بيلر.

چوخلو اينسان لار ،هاوالار، قيزيشان زامان دا قيجيقلاييجي اولارلار؛ معلوم اولوب كي ايستي هاوا ايله هاوا نمليكي ،حيرسله نمگين چوخالماسيلا ايليگي ده دير لر!

يوخويا گئتمك ، بدنين سويو آزلماغي،گونده ليك چاليشمالارين آزالماغي-اؤرنك اوچون: هاوانين ايستي اولماغينا گؤره ائوده قالماق-مومكون دور اخلاغيميزين پيسلمه سينده اؤنملي اوينامي اولسون.

ايستي هاوا حيرسلنمه يه سبب اولار، ياخشي دير  اؤنملي تصميم لرين توتماسيندا بيراز موغايات اولاق!مومكون دور سونرا لارپئشمان اولاق.

ايش باشيندا يا خياواندا  ،اينسانلارلا كي داورانيرسيز ،اونلارادا ايستي هاوا اثر قويور سانكي بير سيرا اينسان لار ا  هاوانين ايستيليگي  چوخراق اثري اولا !

هاوانين ايستيسينه غلبه اوچون گرك يئترلي قدر سو ايچك! ايدماننيزي گون آراسيندا يوخ بلكه ،سحر چاغي ويا آخشام چاغلاريندا ياپين!

داوا ايشلت سه ز اؤرنك اوچون ايدرار گتيرن داولار ،گرك بدنيزين سويونا يئترلي قدر فيكير وئره سيز! تئيخا ياشايشين موثبت يئرلرينه فيكرله شين وبونو اينانين كي ايستي هاوا گئتملي دير  و هاوا سريننييه جاق!

سوغانين تكي ايله رنده ني، سينكين ايچينه آتديم؛ ياش گؤزلريمدن چاي كيمي آخير،بوز دولابين  قاپيسين آچديم يومورتاني سينديرديم اتين اوستونه؛ياغي تاوايا جالاديم بيرينجي كوتلتي  اليمين اوزه رينه ياياراق تاوانين تكينه سالاراق ياواشجا جيزو بيز ائله دي، قاپي دؤيولدو،آتام ايدي! يئنه تازا چؤرك آلميشدي،اصغرده منه تاي چوركچي صفينده دورماغا حالي يوخوايدي،دئييردي تازا چؤرك چوخ اؤنملي دير!من امكلي يه م !ايشيم ده كي يوخدور،هرزامان اؤزوموزه آلاندا سيزه ده آليرام،قاپيني دؤيه ردي، وئره ردي ،گئده ردي!اوسته هئچ واخت گلمه زدي!هئچ واخت! اليم ياغلي ايدير ،اصغر قاپيني آچاراق قاچدي پيله يولونا،آتامي چوخ سئوردئ،آتام او آداملارداندي كي هامي بيله سين سئور،سانكي بو آناما شاميل اولمور!،اصغرين تعاريفين سسي پيله يولوندان گليردي،آتا آنامي شاما چاغيرريدي،بير آند دا قورودوم!عاييله ميز ايستي وياخين دئييل بيربيرميزله اؤپوش  گؤروشوموز اولماز!چاغريش سيز بير يئره گئتمه ريك اما اصغرين عاييله سي بيزيم ترسيميزه ايديرلر!ايستي ايله سئويملي !گونده 10 سئري بيربيريميزله تيلفون واسطه سيله دانيشاردوق!اصغر بيلميردي بونوع چاغريش وتعاروف بيز يم تربيه تي اصولوموزون ترسينه دئ!

سوندا آتام ايله آنام راضيلاشديلار وبيزه گلديلر،من ائله سئوينميرديم،ائويميز تميز دئييلدي،يورغون ايديم،هله تازا ايش دن قاييتميشديم،مئيوه ميز يوخ ايدي،شئي لري كي دوشونوردوم شايد  ايندئ گولمه لي اولا اما او لعنت اولموش گونده اؤنملي ايدي!

اصغر آشپزخانا يا گلدي كي قوناقلار چاي تؤكه،منيم قاريش ميش حاليم ايله پوزولموش اوزومو گوردو! سوروشدوم نه دن بئله ايصرار ائله دين!دئدي گؤردوم كوتلت وارميزدي دئديم بيرليك ده يئيه ك! دئديم بو كوتلت لري ساباحادا قويموشدوم! دئدي بييه نه اولوبدور! دئديم هئچ زاد !حيرسلي بوزدولابين آچديم قيرميزي بادمجان گؤتدوم وسو آلتيندا يودوم، آتام آشپزخانا يا باخاراق دئدي سالام قيزيم ،نازيم موزاحيم اولموشوخ!هله ياديما دوشدو كي هله هئچ سالام دا وئرمه ميشديم! گئجه نين هاميسين ايكي سي جوجه كيمي سوس موشدورلار!شام باشيندا آتام تكجه بير دانا كوتلت يئ دي ، آنام دا گؤي يئمك آدينا ،هئچ كوتلت يئمه دي! ساده جه گوگ گؤورنتي له بوشقابيندا اوينا دي!

يئيب يئمه يب ائوله رينه ساري يولا دوشدولر، بو اولاي دان اون بئش ايل كئچدي!

ايكي گون اؤنجه اؤزومه كوتلت بيشيريرديم فيكري بير آن ذهنيمدن كئچدي، گؤره سن اصغريله دانيشاندا آتام ائشيد مه ميشدي! سانكي بونا گؤره شام يئمه دي! بو خيالين فيكريندن بدنيم اسيردي! بو فيكير بير قيلينج كيمي اوره گيمي يارالاييردي! نه دن هئچ واخت او سنگگ لره گؤره بيلسيندن تشككور ائله مه ديم! سون كوتلتي تاوانين اوستوندن گؤتوره رك بير داملا ياغ تؤكولدو  غملي جيزيلدايير! دوغوردان دؤرد دانا كوتلتين اؤنمي  نه آخئ! بو گئرچك كرپيچ كيمي اوزومه ده ييردي!من چيخارسيز بير اينسانام!چيخار سيز يعني لحظه لر و آنلارين ده يرين بيلمه مك!

يعني اؤنملي لري ،ده ير سيز وده ير سيز لري ،اؤنملي!

ايندي دا نه اؤنمي وار دونيانين اوباشيندا آشپزخانا دا  چنگال اليمده،كوتلت قاباغيمدا ،آه چكيم!! آه نه قدر اوره گيم اولاري ايسته يير!كاشكي ايندي قاپيدان گيره رديرلر ايچه رييه!دا اؤنمي يوخ ايدي ائوي ميز تميز دئييل،يا مئيوه ميز يوخدور!كاش آنامين قوخوسو ،آتامين الينده چؤرك يئنه اولاردي! آتام دوغرو دئييردي !ياخچي چؤرك اؤنملي دير!بو گونلر نه قدر ايسته سه م كوتلت بيشيره بيله رم اما كيمسه يوخدور قاپيني دؤيه!كيمسه يوخدور مينت سيز چؤرك وئره!كيمسه يوخدور چؤرگي  ،سئودا قوخوسو وئرسين! اما ايندي نه اؤنمي وار!بير شئي لر وار الدن وئرندن سونرا قدريني بيليريك!ايستي سنگگ! بير سبد قوخو!

معلليم حيرصله دفتري ميزه  چيپدي، اوجا سسله، قيشقيردي ،سارا!

قيز باشين يئره سالدي ،و اؤزون معلليمين ميزين قاباغينا چكه رك 

تيرتيريين سسي له دئدي: بلئ خانيم

معلليم حيرصلي باخيشيلا، قيزين قارا ايله معصوم گؤزلرينه باخاراق دئدي!

نئچه دفعه، دئييم مشق لريوي تميز ياز! دفتريوي قارالامااا! جيرما! 

ساباح آناوي گتيره سن  مدرسه يه ، قاناجاقسيز ،قيزين حاقيندا دانيشاجاغام!

قيز تيرتيريين(لرزان) چنه سين يغاراق ، ياواشجادان دئدي:

خانيم ؛آنام خسته دير ،اما آتام دئييب آي باشي، آيليغيمي آلاركن ......

اوندا ائله يه بيلريك آنامي ،خسته خانييا آپاراق، تا بوغازيندان قان گلمه يه!اوندا كؤرپه باجيما قورو سوت آلاروق ،آغلاماسين!

اوندا آتام، سؤز وئريب كي پول دان، قالسا منه دفتر آلا تا من قارداشيمين دفترلرين سيلمه ييب و يازمايام  ،اوندا سيزه سؤز وئريرم.......

معلليم صندلين، تخته يه ساري چؤندردي ودئدي ايله ش سارا!

ومعلليمين گؤزله ري....

جام جم آنلاين: 2012 لندن اولمپيكينين مشعل لري،اينترنتي حراج دا فرقلي ديرلر له ساتيلدي.

"هافينگتون پست" وئرديگي گوزاريشه گؤره؛ لندن اولمپيكينين مشعل لرين بيريسيني ايله گؤتوره نين گئييمي له ؛اeBay ؛اينترنت حراج سايتيندا،40مين دولارا ساتيلدي.

بو مشعلين ترسينه ؛اوبيرسي مشعل لر ،ياخچي قارشيلانماييب  و5مين و7مين دولار ،ده ير رينه ساتيليب لار.

بو اولاي ،چوخلو  اوزمان لار وآراشديرچي لارين تعجبون قازانيب، بير سيرا اوزمان لار بو زاماني ،اولمپيكين  آنيت لرين ساتماق اوچون ان پيس زامان  سانيلار.

اوزمان لار دئييرلر، بيرحالداكي  چوخلو اولمپيك سئون لر وسياحتچي لر ،اولمپيك ياريشمالارين سئير ائتمك ده ديرلر،اولمپيكين مشعل لرين حراجا قويماق بير يانليش ايش دير و بو ايش لر گرك اولمپيك دن سونرا اولوناردي.

بونو دئمك لازيم؛اولمپيك مشعل لري ،اولمپيكين ان سئويلن وديرلي آنيت لريندن ايدي!

وارلي جاوان ،قوجا عاريفين قوللوغونا يئتيشدي واوندان ياخچي ياشايش حاقيندا تووصيه لر ايسته دي!

قوجا عاريفٰ ،گنجي پنجره يه ساري آپاراراق ،سوروشدو نه گؤروسن!

دئدي: آداملاري كي گئديرلر ويا گليرلر و خياواندا صدقه ييقان كور ديلنچي!

سونرا بؤيوك بير آينا گوسته ردي ويئنه سوروشدو: آينا يا باخ ودئنه، نه گؤروسن!

گنج دئدي: اؤزومو!

قوجا عاريف دئدي: دا ايندي باشقا اينساني گؤرموسن!

قوجا دئدي:آينا وپنجره ايكيسي ده ،ايليك ماده سي شوشه دير!

اما آينانين داليسيندا بيراينجه قات گوموش ده وار! و اوندا اؤزوندن سونرا كيمسه ني گؤزموسن!

بو ايكي شوشه دن جورلنميشي ،بيربيريله توتوشدور!

شوشه يوخسول اولورسا؛باشقالاريندا گؤره ر! اونلارلا سايغي ايله سئومكله داورانار!

اما آرخاسي گوموشله(يعني ثيروت) دولسا؛ ساده جه اؤزون گؤره ر!

يالنيز او زامان ديرلي سن كي ،قورخماز اولاسان وگوموشلو اؤرتوكو ؛گؤزله ريوين قارشي سيندان سيله سن! ويئنه دن باشقالاري دا گؤره سن و  سئوه سن!!

دونيادا چئشيتلي ايله عجيب گئرچكلر  وار،بير سيراسي اينامماليديرلار ،اما بير سيراسي بيزيم فيكيرلره يئرله شمير!

بوگون دونيانين سككيز گئرچكيندن سيزه  سؤز آچاجاييق!

سوئيس دونيانين ان تميز اؤلكه سي دير!

سوئيسه گيرره كن، هربوجاقدا زيبيل قابي گؤرمك اولار! سوئيس ده حتي بير تيكه كاغاذ دا  يئرده گؤرونمز!تمام تيكينتي لر پاريلدايير؛اينانميسيز! حقيزوار !اينامماياسيز!اصل ده سوئيسلي لر تميزليغا چوخ اؤنم وئريرلر، سوئيس ده اولدوغو ياسالارا اساس وميلتين حورمتي بو ياسالارا باعيث اولوب سوئيس دونيان ان تميز اؤلكه سي آدلانا!

سوئيس ده بير تيكه كاغاذ سيزين الينيزدن يئره دوشسه،او  آند دا بيريسي سيزه حورمتله تذكور وئرره!

ايتاليالي لار قهوه جورله مه ده تايسيزديرلار!

ايتاليالي لرين قهوه سينين  ايشمه ليلييغي،آيريملي  تؤره نمه سيندن آسيلي دير!

ايتالياليلار قهوه ني غليظ جورله ييرلر وحرفه اي قهوه ايچنلر، فكير ائله ييرلر كي قهوه ايچمه لي دير!

ايكينجي اويدورما دوشونجه، بوقوندا بودوركي چوخلاري فيكر ائله ييرلركي ايتاليالي لر دونيانين ان چوخ قهوه ايچن لري ديرلر؛بيرحالداكي بو قونو دا،سوئد ولهستان،ايتاليادان اوسته يئرله شيب لر!

 مكزيكلي ، اركك لر ،دينجلمه يئ ،هرنمه نه يه  ترجيه وئريرلر!

دئييرلر مكزيكلي اركك لر ه گؤلگه ده دينجلمه واوزون يوخو، ان سوئيملي بير سئويج وايستك دير؛ ائله چوخ ايش وچؤرك دالسيجا دئييل لر!بو سؤز بير حده دك دوغرودور! البته 22 ميلون مكزيك لي ايش داليسيجا گئديرلر اما سؤز بوردادير كي هامي اونلاري گوجلو قونشولاريلا(آمريكا) توتوشدورولار!

 چيني لر ايت يئييرلر!

سانكي سيزلرده ائشيتميسيز كي چين لي لر عجيب غريب يئمك لر اوجومله دن ايت پيشيك؛سيچقان و... ماراق لاري وار ،اما اونلارا كي ايتي،اينسانين ان وفالي يولداشي سانيرلار، بيله لرينه اويدورما سؤز كيمي ااولور!اما دوغردان چين ده ايت اتي يئييرلر!

پكن نين مسئولاري اولمپيك اويونلاريندا ،ايت اتيين سئروين رستوران لاردا ياساق ائله مشديرلراما يئنه ده هر يئرده ايت اتيين قوخوسو وارايدي!  چين لي لر قديم چاغلاردان ايتي اوولايارديرلار اما ايندي بيرآز دوستلوقلاري بو ووفالي حيوانلا چوخاليب وآز اوولايرلار!!

هيندده اينك لر  قوتسال ديرلار!

هيندلي لر تمام حيوانلار وجانلي لار لا سايغي ايله رحم له داورانيللار!اينگين قوتسال اولماغي ان اؤنملي مسئله دير!

اوزامانكي اينك ايسته يير جاده آراسيندا دينجه له!كيمسه اونلا ايشي اولماز !سوروجولر يولارين دگيشرلر تا اينگين يوخوسو پوزولماسين!! هندولار دئييرلر كيمسه نين حقي يوخدوركي اينگي ايستثمار ائله سين ؛اينك قوتسال دير!

اينك لر قوجالسالاردا؛اينسان لار گرگ اونلارلا حورتمله داورانالار!

كانادالي لار، قيش دا ،يئرآلتينا كؤچرلر!

دئييرلر كانادا اؤلكه سينه، قيش گلركن، ميللت ،يئرآلتي شهرلره كؤچورلر! مونترالدا، قيش فصيلينده ،هاوانين دماسي اورتالاما منفي اوتوززا (-30)يئنر!كانادا اؤلكه سينده، 30كيلومترلي يئرآلتي تونل وار,بو تونل تمام سيناما،مترو وآليش وئريش مركز لره، باغلي دير،بو يئرآلتي تونل ،آداملارا بو ايجازه ني وئرير كي، قيشدا ،گونده ليك ياشايش لاري تهلوكه يه دوشمه سين!

فنلاندلي لار سونا عاشيغي ديرلر!

بو بير افسانه دئييل!سونانين يارانميش يئري فنلانددير!! سونانين ياشامي فنلانددا 1000ايله ياخين دير!سونا فنلاند دا بير قوتسال وحورمتلي  تؤره دير! سونالارين ساييسي بو اؤلكه ده ؛ماشين لارين ساييسيندان چوخدور!

بو اؤلكه ده اورتالاما ، هردؤردنفره بير سونا وار!فنلاند بير سويوق بؤلگه ده يئرله شيب؛بو يئرله شمه سينه گؤره هردن ميتينگلرده سونادا قورولار!!!

ا

انگيليس لر خوش خورك دئييل لر!

دئييرلر،انگيليس لرين ياخچي آشپزلري يوخدور! وائله يه بيلمزلر يئملي؛ يئمكلر بيشيرسين لر!بونا گؤره فرانسوي آشپزلره قوللانيرلار؛بئله دئمه ليييك،انگيليس لي لرين ماراغي ساده يئمك لره چوخدور  ؛يئمك لري بيربيريله قاتماغا ويئني ايله يئملي يئمك لري بيشيرمه يه ماراقلاري يوخدور!

دوكتور رحمت مصطفوي1355اينجي گونش ايلينده تهراندا باسيلميش (درباره زبان فارسي ) كيتابيندا بئله يازيز:

"بؤيوك لر ونابيغه لر اوجومله دن:رازي خيام ابن سينا،بيروني؛يونانين ميراثيندا قوللاناراق ،اينساني بيليملري  چئشيتلي ريشته لرده، رياضيات دان باشلاياراق نوجوم ايله فلسفه يه دك ؛اوجا ويوكسك اوجاليقلارا يئتيشديرديلر!

....اما بونلارين هاميسي عرب ديلينده تحصيل آليب؛وعربجه كيتاب يازيرديرلار؛ايرانليلارين تمام بيليمسل دانيشيقلار و آراشديرمالاري عربجه ديلينده ايدير. وبو سايلماز وساناز بيليمسل ثيروتلر هئچ چاغدا فارس ديلينده ساچيلمادي!ساده جه بير سيرا يئرلرده آزاجيق ايشق لاردا ،فارس ديلينن قارانليغين دا، بيتدي!

تاسوفله بو وضعين سونونجاسي،بواولوركي فارس ديلي اؤز تاريخ بويو هئچ چاغدا بيليمسل (علمي)ديلي اولمايب!

و هميشه بيليمدن بوش اولوب!"

 پيترو دلاواله ،ايتاليالي سياح،صفويه دوره سينده ايصفهانا سفر ائله ميشدي بير بيتيك ده(نامه) يولداشينا"ماريو اسكيپانو"  1617اينجي ايلين  دسامبريندا بئله يازيز:

ايراندا عوموميتله توركجه ديلينه دانيشيلينير!خصوصيله دربار وبؤيوكلر و ريجاللارين آراسيندا.....شاهين نوكرلري ده فرقي ائللردن اولماياراق، توركجه دانيشير لار وفارس ديلي بيلميرلر؛سؤزون سونو بودوركي ،توركجه ديلي عمومي ديل ساييلير !توركجه ديل ايليگي اوچون بير آراجدير!

پيترو دلاواله ،شاهلا ايليك گؤروشون بئله آچيقلايير:

شاه اوشخص لري كي آرخاسيندا ايديرلر ،سوروشدو ،توركجه بيلير! ومن مثبت جاواب وئرديم،پس يئنه دن منه باخاراق سؤيله دي: "خوش گلدي صفا گلدي!"

بير باشقا اوروپايي ،صفوي درباينا يول تاپپميشدير، آلمانلي ،آدام اولئاريوس ايدير؛ دئيير:

ابهردن سونرا فارس ديلي ده هردن ائشيديلينير!بير حالداكي اورا قدر هاميي توركجه دانيشيردي!اما بو توركجه بيرآز آناتولي توركجه سيله فرقلري وار،

سونرا آرتيرير،توركجه ،قوشون و اوردو ايله دربار ديلي دير!عاييله لر توركجه دانيشيرلار ،خصوصيله اشراف عاييله لري!

قاجار دؤنومونده، توركجه نين اؤزل ايله اوستون يئري وارايميش!

كاسپاردروويل،عباس ميرزانين اوردوسونو باشچيسي، قاجار دؤنومونده ،ديللرين ايشله نيشي حاقيندا بئله دئيير:

ايراندا  توركجه ،فارسجا وعربجه يايغين ديللر دن ساييلير!چوخلو آداملاري كئ،ديللري فارسجادير،سئويرلر يايغين توركجه  ديلينده دانيشيرلار!

ديشي فيرچالاماق  و سيگار چكمه مك، ديش لرين آغ وبياض قالماغيندا اؤنملي رول اويناييرلار.

ديش لرين، آغ قالماغي ايله  بياض گولومسه نين ساخلاماسي اوچون، يول لار:

اينسان لاري كي ايسته ييرلر ،آغ ديشي صاحيبي اولسونلار؛ گركير  صنعتي ايچيگي لر، اوجومله دن،  نار ايله اوزوم  سويون اوستونه خط چكه لر! صنعتي ميوه سولاري ، اسيدي اولماقدان آرتيق ،"تانين" قايناغي ديرلار،تانين، ديشلرين رنگ توتماسينا باعيث اولار.

رنگلي چاي وقهوه نين ده ،حدن آرتيق ايچمه گي ،ديش لرين آغ وبياضليغين پوزولماسيندا اؤنملي اوينام ،اويناييرلار!

بير سيرا ساققيزلار، ديش لرين، قورد يئمه سينه باعيث اولاراق، ديشين آغليغيين، دوشمني ساييلير.

بونا گؤره كي متوجه اولاق، سئويملي ايچيگيلريميز ،ديش لريميزه ،تحلوكه لي دير يا يوخ! ايچيگيلري، ايچندن سونرا،  ديليميز رنگ توتارسا!، بو ايچيگي ،ديش لره تهلوكه سي واردير!

آرتيرماليييق، كولا لارين چوخ ايچمه گي ،ديش لرين آغليغينا تهلوكه لي دير!

سيزلركي ايللر بويو ايميلي ايشله ديير سيز ،@ علامتينين اولماغي  يا عيلتين بيليرسينيز! بو علامت بير نوع ايضافه حرف دير؛بو علامت،آدرس وسئروئرين آدين بير بيريندن آيرير؛@ هئچ زامان باشقا حرفلرينه ن دگيشيك دوشمور!

جوان آنلاينين وئرديگي گوزاريشه گؤره:تاملينسون  بو علامتين سئچمگي حاقيندا بئله دئيير:

"كيبورد دا باخديم ،فيكيرلشديم،هانچي  حرف يا علامي سئچه بيلرم تا آيري حرف لرله دگيشيك دوشمه يه!

اگر بير فرد تاپيلا واونون آديندا @كلمه سي اولار يعني بو بير ياخچي علامت دئييل! شانس دان بو علامت اليفبا  حرف لريندن دئييل !ونظره ياخشي گلير؛

@ دن باشقا حرف ايله علامتلر وار ايدي ،اؤرنك اوچون:ويرگول،ديرناق ايچي،براكت ايله باشقالاري؛اما بوحرفلر ايمكاني وارايدي شخص لرين يوزر نئيم لرينده ايشله نه ؛پس @ سئچديم ،بير حالداكي بو علامت، at اوخونور ،مشخص ائله يير،كاربري آدي هانچي سئروئرين اوستونده دير."