ائل خاديمي
هرنمه نه ،هر يئردن!
  صفحه نخست       |       تماس با مدیر       |       پست الکترونیک       |       RSS       |       ATOM
 

آيفون5 اپلين ،ان يئني محصولودوركي ايشيق اوزو گؤروب، آيفون بئش  او بيري آيفون لارين، ترسينه بؤيوك گؤرونتو صفحه سي وار، بو اوزدن، اپلين خبري سايتي آيفون بئشي ، اچ تي سي  له توتوشدوروب، اچ تي سين HTC OneX   موبايلي ،گوجلو cpu سيله،     iOS و Android  لا  ساواش آپاريرلار! هله ليق اچ تي سين يئني موبايلي ايله آيفون بئش  گرگين ساواشدا ديلار! گرك گؤره رك ،سوندا هانسي ظفر قازاناجاق!

 

گؤرديوز كيمين ، ايكي موبايليندا ، بؤيوك گؤرونتو صفحه لري وار؛ پس موشتري لر باشقا يئرلرينه فيكير وئرمه ليديرلر! البته اچ تي سين گؤرونتو صفحه سين بؤيوكلوگون  نسبت آيفون بئشه گرك خاطير لاياق! اما چوخلو موشتريلر بو اؤلچو ده ،گؤرونتو صفحه سين، سئوريرلر اما بير سيراسي دا معقول ايله اورتالاما اؤلچوسون سئويرلر!

 

هر ايكي موبايلين ، كمئراسي(دوربين)8 مگا پيكسل دي! و يوخاري  ايله يوكسك كئيفيت له شكيل چكيرلر، اما آيفون بئشين يوخاري شكيل چكمه يي، اچ تي سي يه اوستونلوگو وار!

 

ديزاين باخيميندان هر ايكي موبايلين، اوخشار يئرلري چوخدور! اما اوزه رلريين جينسي  فرقلي دير،آيفون بئش ده ، دمير دن فايدالانيب لار اما  HTCكربن دان دير! آغيرليغي آيفون بئش دن آزدير! اچ تي سين، ايرادلارين بيري، اونون داها چوخ بؤيوكلوگودور! اما آيفون بئش ،اؤلچو باخيميندان اورتالاما  دير و راحتجا الده يئرله شير.

 HTC ين گؤرنتو صفحه سي 4.7 اينچ و رزولوشن 720*1280 له آيفون بئشه اوستوندور! اما ppi آيفون 5ده يوخاري دير.

آيفون 5 ين ،گؤرونتو صفحه سي  4 اينچي  و رزولوشن 640*1136  ايله 326ppi  دير؛ امااچ تي سين 312ppi  دير!

سوندا دئمه لييك بو ايكي موبايلين آيرملي وچئشيدلي امكانات لاري وار  و راحتجا دئمك اولماز هانسي بيربيرينه اوستونلوگو وار! ايندي سيزين باخيميزدان هانسي اوستون دورمو!

 






نوع مطلب : ، 
برچسب ها :
ارسال شده در: دوشنبه 22 آبان 1391 :: توسط : ائل خاديمي

هر زامان كي فلش مئموريني،بيليگي سايارا تاخيريق و اونون اوستونه  بير شئي لر ذخيره ائله ييريك؛ مومكوندور بير سيرا  ايطلاعاتلار دا فلش مئموريه كپي اولاراق؛بيليگي سايارينRAMين اوستونده ذخيره اولا؛ فلش مئمورين ؛يانماق ويا يانماماغينا و سخت افزاري موشكوللرين قارشيسين آلماق اوچون  فلش مئموري له ؛ايشيز ؛ بيته رك ؛ Safe to Remove ائله مك گركير !

usb  ؛بيليگي سايارلا ؛ باغلانتي دا اولان زامان ، مومكون دوركپي ويا ايطلاعاتين گل گئدين ده؛بير سيرا ايطلاعات بيليگي سايارين RAMينده قالانا(ذخيره اولا) ؛سيز   Safe to Remove ائله مك له؛ بيليگي سايارا فرمان وئرسيز كي ايطلاعاتينRAM ده قالماغينا وذخيره اولماغينا احتياج يوخدور! بيليگي سايارين قورلوشو ايطلاعاتي سيلمك له ؛سيزه ايجازه وئرير فلشيزي  بيليگي ساياردان  آيراسيز!

مومكوندور ويندوزي ئيدي ويا ويستا دا گؤز ووران چيراق سونمه يه؛  اما ويندو  xp ده    Safe to Remove     ائله مك له  بو چيراق سونور!  بو چيراق؛گؤز وورماق دوروموندا اولورسا  بو آنلامداديركي ايطلاعات هله كپي ويا اوخوماق دورموندا دير و چيراغين گؤز وورماماغي  دئيير كي  ؛هئچ ايطلاعات ؛ فلش وبيليگي سايار قورلوشويلا،  گل گئت ده دئييل! فلشين چراغي گؤز وورماق دورموندا اولورسا فلشي بيليگي سايارادان آيرمايين! يعني هله ايطلاعاتي گل گئتده دير!

البته بير سيرا تنظيماتلا ؛   Safe to Remove   ائله مك گرك مير!  بو ايش اوچون  My Computer   آچاجاقسيز؛ سونرا  فلشيزين آيكونيين اوزه رينده ساغ كيليك ائله  يه رك ؛   Propertiesيه  گيرين Hardware   تبينده ،  Change Settings  كيليك ائله يين  و باشقا پنجره يه گيرين ؛بو بؤلومده     Enable write caching on the device تيكين گؤتورسز ؛  فلشي ؛ بيليگي ساياردان؛ آيرماغا  Safe to Remove احتياج يوخدور

                                                                                            






نوع مطلب : ، 
برچسب ها :
ارسال شده در: دوشنبه 22 آبان 1391 :: توسط : ائل خاديمي

لازيم اولان موادلار:

قارا بادمجان 8 دانا

قيرميزي بادمجان 3 دانا

يئشيل دولما2دانا

ساريمساق 1دانا

قورو شويود ،يئترلي قدر

آلما سيركه سي ،يئترلي قدر

دوز ،ايستي  اوت، ساري كؤك  يئترلي قدر

1- قارا باديمجان لارين، قابيغين سويون (سويماق)وحلقه حلقه ائله يين، قابلامايا تؤكه رك ،سيركه ني يئترلي قدر تؤكون، گركير سيركه، باديمجان لارين اوستون يئترلي توتسون! سونرا گاز اوستونده ، حرارت وئرين ، حرارت اوقدر اولسون كي، باديمجان لار يومشاق اولسونلار!سونرا سويوتموش باديمجان لاري ، قاشيغين تكيله، ازين.

2-قيرميزي باديمجان لاري ،يويون سونرا قورودون و رنده له يين

3- ساريمساقلاري سويون سونرا رنده ائله يين

4-يئركؤكو لري سويون سونرا رنده له يين

5- يئشيل بيبرلري تميز يويون سونرا قورودون و خيلال كيمي  رنده له يين

6-  يئركؤكو ،قيرميزي بادمجان ،يئشيل بيبر، ساريمساق وشويودي ، قارا باديمجانا آرتين، يئترلي قدر دوز ايله ايستي اوت وساري كؤكي مواديميزا آرتاراق، تمام موادي قاتين سونرا آلما سيركه سين، يئترلي قدر موادين اوستونه تؤكون، ديققت! گركير سيركه ،مواديميزين اوستون يئترلي قدر توتسون!،سونرا شوشه لي ايله قاپيلي،قاب لارا، تؤكون، زامانين كئچمه يي، سيزين تورشوزو حاضيرلاياجاق

بيرينجي ديققت! تورشونون ،كپك وورماماغينا گؤره ،گرك سيركه خاليص اولا! سيركه نين خاليص اولماغيناايطمينانيز اولماسا! گرك سيركه ني قايناداسيز!

ايكينجي ديققت! يئملي ايله دادلي تورشو تؤره تمك اوچون ،گرك تمام مواديميز ،تازا اولا !






نوع مطلب : ، 
برچسب ها :
ارسال شده در: یکشنبه 21 آبان 1391 :: توسط : ائل خاديمي

"حسين بن منصور حلاجي" دارا آسديلار، آلدانميش جماعت ويا زر آليب سوسموش ايله حقي ،ناحق ائله يين جماعت ، دار آغاجين دوره سينه توپلاناراق، منصورو داشلييرديلر! حلاج دوداقلاري تيكيلمش ،انسان كيمي ،ساده جه سوسموشدو، هئچ سوز ،هارايي  سسله نديرميردي!

او چاغدا ،"شيخ شبلي" ده او يئردن كئچيردي، حلاجي گؤره رك ،بيرداش الينه آليب ومنصورا  نثار ائله دي!

منصور حلاج ،اوره يين اته گيندن، بير غملي آه چكه رك! آغلاماغا باشلادي!

دئديلر ،اوقدر داشلارين آتديغينا اعتيراض سسله نديرمه دين! شبلي نين، داشي نه آغيرليغي وارايديكي سن بئله كدرله آغلاييرسان!

منصور بئله دئدي:

او آلدانميش اينسانلاردان منيم اينتيظاريم يوخ! نييه كي مني تانيميرلار، و دارا چكيلدييمين عيللتين بيلميرلر! اما شبلي، منيم، آديم سانيم ايله دوشونجه مي تانييماقلا منه داش آتير! من اوندان، داش عوضي، محبت ايله داياقليق اينتيظاريم وار ايدي!






نوع مطلب : ، 
برچسب ها :
ارسال شده در: یکشنبه 21 آبان 1391 :: توسط : ائل خاديمي

چوخلو آداملار بيليرلركي، الكترونيكي مدارلارين دوشماني، رطوبت ونمليك دير! وچاليشيرلار ، الكترونيكي دستگاه لاري سو ايله نمليك دن اوزاق ساخلايالار ،اما هردن الكترونيكي دستگاه لار كي اينسانين آيرلماز جوزئي اولوبلار، روطوبت معرضينده اولورلار! بدنين تري؛ هاوانين نمليگي، ايچيگي ايچمگ  وغيفلتدن  دؤكولماغي بو دستگاه لارا ضرر وورار! 

اوستده كي دوروملار اوز وئرسه ،نه ايشلري گؤرمك گركير!

سورعت عمل وديققت اويناميندان غفلت ائله ماق اولماز! سورعتله، انرزي مدارين ،دستگاهدان آييرين(قطع ائله يين)،موبايل اولورسا ، سؤندورمه دن اؤنجه ؛سورعت له باتريني چيخاردين! بيليگي سايار اولورسا، تئز ، برق ويا انرزي كابلين ، كئيسدن آييرين! هر آن ،گئج ترپنماق،  مداردا  قيسسا ايتصال بالاجا قدر اولورسا دا ، ايشكال  يارانماق دستگاه دا محتمل اولار!

دستگاهي ترسينه، و صفحه كيليد، طرفيندن حوله  ويا پارچايا قرار وئرين، اوولده ،اونو پارچايا ياواشجادان سورتون سونرا ياواشجادان ايله  يومشاق حالدا دستگاهين داليسنا ضربه وورون!

ديققت ائله يين كي ضربه داها آرتيق، ضرر دستگاها وورمايا! سشوار دوگمه سين سرينه قوياراق فاصيله ني حيفظ ائله ماقلا ايجازه وئرين، سرين يئل ، صفحه كيليدين منفذلرين دن ويا دستگاهين داليسيندان واريد اولاراق  تبخير ايله قورتماق ايشين گؤرسون!

دئديلميش ايشلردن سونرا دستگاهي  بير نئچه ساعادان سونرا ايشلتمك اولار






نوع مطلب : ، 
برچسب ها :
ارسال شده در: جمعه 19 آبان 1391 :: توسط : ائل خاديمي

اسكيپ دوگمه سي، اصلده   او دوگمه لردن سايلير كي ،صفحه كيليدلرين  اينكيشافي اونون آرادان گئتمه سينه سبب اولماييب وهرزامان بو دوگمه اؤز يئرين صفحه كيليدين ان يوخاري ايله سول الدينده  حفظ ائيله ييب، بو دوگمه ايليك صفحه كيليد لرده يوخ ايدي وسونرا لاردا  صفحه كيليدلره آرتيريليب!

بو دوگمه 1960 اينجي ايلده ايبداع يا دوغولوب!  "آي بي ام" شيركتين ين پروقرم يازاري، "باب بمر" آديندا بير شخص  بيليگي سايارلاردا اولان  موشكولو راحتلاماق اوچون بو دوگمه يه قولاندي! موشول بو ايدي كي، بيليگي سايار لار  آيري آيري توليد ائله ين لردن وباشقا پروقرم لردن توپلانميشدي! پروقرم يازارلاري، بير پروقرمدن ، باشقا پروقرمه گئتمه يه موشكول له اوزله شيرديلر! بمر ،اسكيپ كيليدين باشقا كد دان آيري كد دا گئتمك وسوويچ اوچون ايبداع ائله دي!  اصلده بير نوع آراج  اولاراق ايشله ندي! 

زامانين كئچمه يي وبيليگي سايارلارين، كد لاريين بيرلشمه سي ايله استاندارد اولماغي باعيث اولدو اسكيپ دوگمه سي بير يئني اوينام اويناسين!بو دوگمه  ايجرا دا اولان فرمانين سونون ،بيليگي سايارا اعلام ائله يير !

بو دوگمه نين داها چوخ ايندي ليك ايشله نيشي ، فول اسكيرين، گؤرونتونون  سون ايله دايانماق فرمانين اعلام ائله ماق دير! اسكيپ دوگمه نين تركيب اويناملاري عيبارتدير:CTRL+ SHIFT+ ESC

بو دوگمه نين رولو باشقا دوگمه لرين تركيبله ،بيزيم بيليگي سايارلاريميزدا اؤنملي اويناملاري وار!!






نوع مطلب : ، 
برچسب ها :
ارسال شده در: جمعه 19 آبان 1391 :: توسط : ائل خاديمي

درينين ،قوروماق علامت لري!

قيزارماق،دري بركيماغي، درينين سو الدن وئرمه يي، درينين ترك يئماغي، درينين قاناماسي

درينين قوروماق عيللتي

كلي حالتده دري(جيلد) سويوق هاوادا قورويار،سويوق هاوادا، بدنين ايستيليغي ايله هاوانين  روطوبتي آزالر، ودرينين قورماغين ، قاباغا گتيره ر!

دري قوروماق، معرضينده اولان اينسان لار

قوجا اينسان لار، قورو ايله آز روطوبت بؤلگه لرينده ياشايانلار، تئييخا سو دوش (دوش آب)توتان اينسانلار دا ، دري قوروماغي داها چوخ دي!

دريين قورماغيين درمان يولو 

1-آنتي باكتريال سيليگي لردن آز ايستيفاده ائله مك

2-سو وباشقا ايچيگي لريي؛ داها چوخ ايچين

 3-پالتارلاريزي يويوماق چاغيندا، عطير سيز ورنگسيز سيليگي لره قوللانين! چون حساسييت ايمكاني وار!

4-ائوين هاواسين ايستي ساخلايين

5-دريني ،نملي ومرطوب ائله ين، كرم لردن ايستيفاده ائله يين

6ـ بيتيكسل ياغ لار(گياهي) ، نملي كرم لردن داها ياخچي سيزين دريزي ، شاختا قاباغيندا قورويا بيلر!

7-درينين قورولوغو، درينين قاشينماسينا باعيث اولار! ايليخ سويوونان ، يويونماق گركير!






نوع مطلب : ، 
برچسب ها :
ارسال شده در: پنجشنبه 18 آبان 1391 :: توسط : ائل خاديمي

جمشيد هاشم پور ،1323 ده، تهرانين، سلسبيل محلله سينده خياولي (مشگين شهر)آناآتا دان دونيايا گؤزآچدي،

اونون ، ايرج قادري نين ،"تاراج "فيلمينده ،زينال بندري اويناميندا، باشي تراشلي اويناملا، صحنه ده ايشق اوزو گؤردو و اوندان سونرا باشي تراشلي ،قهرمان ايل لر بويو چوخلو تاماشاچي، سينامالارا چكدي!

سيناماتيك چاليشمالاري

هاشيم پور بيرينجي تجربه سين ،يولداشين تاپيشيريقلا،1347 ده ،ساموئل خاچيكيانين ، "جهنم سفيد" فيلمينده بير قيسا اوينام، اوينادي، سونرا   جنجالي "پول" فيلمينده ،پرويز خطيبين يونئتمن لييله، اوينامين  ايفا ائله دي!خوشگلترين زن عالم(منوچر وثوقون امكداشليغيلا)، قسمت (يونئتمن، امير شروان)، عشقي‌ها(يونئتمن، جمشيدشيباني)  فيليم لرده اوينادي.

سون فيليمي، اينقيلابدان قاباق، "خوشگلترين زن عالم "ايدي، بوفيليمده، منوچهر وثوق  وجميله نين اويناميلا ايله  قدرت الله احسانين يونئتمن ليغيلا، ايشيق اوزو گؤردو.بوندان سونرا بير موددت سيناماني بوشلادي اما 1361 ده مسعود كيميايين ،چاغريشي له "خط قرمز "فيلمي له سينامايا قاييتدي؛ سونراداكي، فيليم لري  عيبارتدير:فرمان، بازداشتگاه، نقطه ضعف، بالاش، پايگاه جهنمي، عقابها، يوزپلنگ، تيغ وابريشم، عشق و مرگ، پرده آخر، تماس شيطاني، دادستان-قرق-مادر-طعمه-افعي-ياران-اخرين خون-نيش-پروازازاردوگاه-اخرين بندر-ضربه طوفان-ياغي-رنجر-زخمي-مجازات-گروگان-عقرب-اوازقو-مسافرري و... وبو گونه قدر،جمشيد هاشم پور  ايرانين  معدود سيناما اويونچولاريندان دير كي تئاتر چالشماسي اولمادان، اوغورلو يولونا داوام وئرير! هاشم پورون اؤز دئديكلرينه اساس، هاشم پور، سيناماني، سينامادان باشلاييب! وتكجه تئاتر چاليشماسي، "تماس شئيطان "تئاتري ايدي كي اونودا مجيد مظفرين يارديميلا ايفا ائله ميشدير.

 

جمشيد هاشم پور اؤزل اويناماقلاريلا، اؤزل اويناملاردا،اؤز هونرين هاممييا گؤستردي! هاشم پور 60 و70 اون ايلليقدا ،اكشن فيليم لرله ؛داها چوخ تانينيب وميللتين اؤره يين قازاندي، هاشم پورون   ايفا ائله دييه بو فيليم لرده؛آوازقو (سعيد اسدي، ۱۳۷۹)، سفر به فردا (محمدحسين حقيقي، ۱۳۸۰)، قارچ سمي (رسول ملاقلي پور، ۱۳۸۰)، واكنش پنجم (تهمينه ميلاني، ۱۳۸۱)»اونون داها چوخ گوجلو هونرين  گؤستردي.






نوع مطلب : ، 
برچسب ها :
ارسال شده در: پنجشنبه 18 آبان 1391 :: توسط : ائل خاديمي

بيليرديزمي؛ پروانه نين گؤزلري، قيچلاريندا يئرله شيب

بيليرديزمي؛ بئين، يوخو دورموندا، تلويزيون باخماق دورموندان دا ها چوخ چاليشمادادير!

بيليرديزمي؛ دونيانين ان بؤبوك دنيزي، آغ دنيز (مديترانه) دير ،آغ دنيزين ان درين يئري 4330 متر دي!

بيليرديزمي؛ ديشي پشه ،انسانلاري سانجار! وسورلموش قانين ،پروتيئينين دن ، يومورتاقويماق اوچون فايدالانار!

بيليرديزمي؛ ايت وپيشيگين ، بئش قان گروه لاري وار اما اينسانين دؤرد قان گروهو وار!

بيليرديزمي؛ بال آري سينين،ايكي معده سي وار، بيرسي بال اوچون و اوبيرسي، يئمك اوچون

بيليرديزمي؛ تازا دوغولموش زررافه، ايكي متير قددي وار!

بيليرديزمي؛ طيياره نين قارا جعبه سي، نارنجي دير!

بيليرديزمي؛ اينسانين ان كيچك سومويو، قولاغيندا يئرله شيب!

بيليرديزمي؛ داوينچي بير الي له يازاردي وباشقا الي له رسام ليق!






نوع مطلب : ، 
برچسب ها :
ارسال شده در: سه شنبه 16 آبان 1391 :: توسط : ائل خاديمي

توسباغانين اوشاغي ، يومورتادان چيخاركن، هر طرفدن تحلوكه ده دير،اؤزلليكله اونلارين، لاك لري هله قوروماق  وديرنمك دورموندا  دئييل، اما اولو يارادان،توسباغالارين بو موشكوللرينه يول قويوب! اودا آي ين ايشغي دير!

توسباغالار ؛يومورتادان چيخاركن، آي ين ،ايشغينا ساري يولا دوشه رلر؛ و سورعتله اؤزلرين دنيزه يئتيره ر لر!

البته آنا توسبا غاسي،يومورتا ،قويان يئري، دنيز قيراغيندا سئچر، بئله ليكله، اونلار راحتجا ايله ان آز مسافتله اؤزلرين دنيزه يئتيره ر لر.

 توسباغالار حاقيندا باشقا ايله اؤزل مورد ، اونلارين ،جنسييتي لرينين تعييني دير،يومورتالارين، اورتامي ايستي اولورسا توسباغالار،ديشي اولاجاق   ،اما  يومورتالارين اورتامي سويوق اولورسا، توسباغالار اركك اولاجاق لار.






نوع مطلب : ، 
برچسب ها :
ارسال شده در: سه شنبه 16 آبان 1391 :: توسط : ائل خاديمي


( کل صفحات : )    1   ..   3   4   5   6   7   ..   9   
 
درباره وبلاگ
هرنمه نه ،هر يئردن
مدير وبلاگ : ائل خاديمي

بالاجا خوخان

موضوعات
 
صفحات جانبی
آمار وبلاگ
کل بازدید :
بازدید امروز :
بازدید دیروز :
بازدید این ماه :
بازدید ماه قبل :
تعداد نویسندگان :
تعداد کل پست ها :
آخرین بازدید :
آخرین بروز رسانی :