كيش ساحيلينين باتي سيندا، بير قوجامان گمي، يئرله شيب ،بو گميني ، يونانيستان گمي سي آدلانديريللار ،1345 اينجي ايلين بير ايستي گونونده ،كيشين يئرلي لري "باغو" كندينين ياخينليغيندا بير پالچيغا باتميش بويوك گمي له ، اوزبه اوز اولدولار! بو گمي نين پالچيغا باتماغين عيللت لري، هله ده قارانليقدا دير.اما دئديكلره اساس، دنيزين دومانلي اولماغي ايله كيشين ساحيلينين دنيز فناري(فانوس دريايي) اولماماغي ! بو اولاين ،باشا وئرمه سينده، اؤنملي، اوينام اويناييبلار!
بو گميني 1322 اينجي ايلينده ،7061 تن آغرليقدا و 136متر اوزونلوقولا، اسكاتلندين، گلاسكو بندرينده ،"ويليام هاميلتون "شيركتينده تيكيليب.
بو گمي 1345 اينجي ايلده ،ايراندان ،يونانيستانا قاييتماق يولوندا ،پالچيغا باتير ." اورينكو" هلند لي ،يدك چكه نين، 80 گون، چاليشماسي دا ظفرلي اولماييب و باشقا چاليشمالاردا فايدا وئرمه دن، گمينين يوكو ايله نفر لري تخليه اولونور؛ داها باشقا چاليشمالار اقتصادي باخيميندان ديري يوخ ايدي.
لندنين "لويدز" بيمه شيركتيندن ، اله گلميش، ايطلاعاتا اساس؛ بو گمي، پالچيغا باتان چاغدا يونانيستانا باغلي ايدي و"كوالاف" آدلانيردي.
بوگمي نين ايليك آدي "شيپور امپراتور" سونرا"ناتوراليست" ايدي، بوگمي 1338 دن ايله بير ايل ايش دن دوشمه مك زامانا دك "سيروس فارس "و"همدان "آديلا ،ايرانين گمي چي لر خطدينين، مالكييتينده ايدي.
يونانيستان گمي سي ، تاريخسل باخميندان ، اؤنملي واؤزل دئييل !زامانين كئچمه يي اونون ياشامين، سون گونلرينه ياخينلادير! گمينين آشاغي بؤلومو، سوآلتيندا تئيخا سو دالغالاريلا قووشور! هر آندا، گمين ،داغيلماسي مومكون دور!
گونون چيخيش ايله باتماق چاغي، بو گمييه بير اؤزل گورنتو وئرير؛ گونشين ايشغي ،اينسانين گؤزونه ساچاركن ،بير دوغرو ايله دوغال تابلو ،هر كسين ذهنينده توره دير!
اما بوگونلرده، يونانيستان گمي سي ،سون گونلرين كئچيردير! 1390 اينجي ايلين آراسيندان بويانا بير بالاجا فيرتانا اوز وئرمه ييله ، گمي آرادان بؤلونوب؛ باش دكلي چوخلو يارالار گؤتوروب ؛آراشديرچي لار بو گمينين بير بالاجا فيرتانا يا يئره ترپنمه سيله آرادان گئتمه يين اينانيرلار!
