گئنيل ليك له،سول اللي لر ساغ اللي لره گؤره يومشاق كؤنول ايله بئينلي دير لر ! شايد  ايندي فيكيرله شير سيزكي سيزده سول اللي اولارديز .

دونيادا اينسانلارين 90 فايزي ساغ ال وساده جه 10 فايزي سول ال دي لر، بو مسئله  ، ساغ يا سولون گوجلو اولماغي ، بدنده ده صاديق دير، بيراز ديققت ائله سز ، باشا دوشر سيزكي ، اؤرنك اوچون ساغ ويا سول قولاغيز بيربيريلرينه غاليبتي وارلاريدير! ويا بير گؤزوزله ،داها ياخچي گؤروسوز! بدنين اعضالارين غاليب ليگي نسبت اوخشار اعضايا گؤره، بير گئنيل قونو دور!

اينسانلارين سول ال  ويا ساغ ال اولماقلاريين عيللتي، هله ده بللي وآيدين اولماييب! اما بير سيرا تئوري لرده وار كي اونلار قوللانماقلا ،واقعييته بير بالاجا آدديم آتماق اولا بيلر!

آمريكانين كاليفورنيا بيليم يوردوسين ، آراشديرچي لاري ، سول ويا ساغ ال اولماغي ، ژنتيكه باغلي ، اينانيرلار، بو آراشديرمالارا اساس، ساغ اللي اولماغا بير اؤزل ژن وار! شخص بو اؤزل ژني ايرثه آپارسا ساغ ال اولار؛ جاليب نوكته بودوركي، بو ژن نين اولماماغي دا بو آنلامدا دئييل كي شخص سول ال اولاجاق ،چوخلو مواقع ده شخص ساغ ال ليك ،ژني ده اولماسا يئنه ده سول ال اولمور!

ساغ اللي لر ده،  بئينين ،سول ياريم كوره سي آيدين شكيل ده بؤيوك دور! ساغ اللي لرين 95 فايزينده ، دانيشق قابيليت لري سول ياريم كوره سينده يئرله شيب!اما سول اللي لرده ايكي ياريم كوره بير اؤلچو ده ديرلر! بو عاميل ، باعيث اولور سول ال لي لر يومشاق كؤنول ايله منعطيف بئين قورلوشا(سيستم)  صاحيب اولسونلار. البته باشقا، بللي اولمايان اينجه عاميل لر ده سول ويا ساغ ال اولماقدا دخيل دير!

دونيانين ان تانينميش سول اللي لري عيبارت دير:

چارلي چاپلين

ماهتما گاندي

ارسطو

لئوناردو داوينچي

ناپلئون بناپارت و...