ا

اوره ييميز خوشدوركي آناميزوار ، ،بيزي سوتيله دويورسون!

اؤره ييميز خوشدوركي آتاميزين، يورغون اللريله اويناياق!

اوره ييميز خوشدور، دونيادا تمام قويون لار اينك لر ؛تويوغ لار بيزيم قارنيميزا گؤره يارانيب!

اوره ييميز خوشدور يئر آياغيميزين آلتيندا دي! اوره ييميز  آينا دا كي قيافه ميزه خوشدور!

اوره ييميز ؛جيبيميزده كي بئش قيرآن پولا خوشدور!

اوره ييميز يئني پالتاريميزا خوش اولور!اوز اليميزه صفا وئرمگيله ذوق ائله ييريك!

اوره ييميز بير دوغوم گونله يا شاگيرد اول اولماقلا  سئويج له دولور! نه خوش اوره ييميز وار!

اوره ييميز خوش اولور بيرگوله،بير گولمسه يه ،دونيانين تمام يالان دوغرولارينا!!

اوره ييميز خوشدور ،بير گؤرونتويه ،بير غروبا يا توخم سينديرماغا ويئره تؤكمه يه!

اوره ييميز خوشدوركي كي فيلان سئودالي حيكايه اوخوماغا يا بير سئوگيلين باخيشينا!!!!

اوره ييميز خوشدور بيرتعريف اؤزوموزدن يا ايپ باغلاماق باشقاسينا!!!

اوره ييميز خوشدور بير قوناقليغا بيرسئودالي باخيشا وسونرا مثلا عاشيق اولماغا !

اوره ييميز خوشدور كي نه ياخچيييك نه گؤزلييك !هامي بيزي سئوير!!

اوره ييميز خوشدور يازماغا،بيريسي اوخوماغا باشقاسي گولمه يه ،آيريسي .....

اوره ييميز خوشدور هئچ سئوينجلره،اوره ييميز خوشدور يالانلاري كي دوز دن شيرين دي!

اوره ييميز خوش الوركي بيري بيزه اوره گ يانديرير!

اوره ييميز خوش اولور ايكي نفرليق گئجه لره !ياخين نفس لره!

اوره ييميز خوش اولور هئچ ليذتلر هئچ ايستك لره! گئجه ني ،گوندوز ائله ماغا!

اوره ييميز خوش اولور، اوشاقلاريميزا ،سئوينجلريميزي پايلاشماغا!

اوره ييميز خوش اولور خاطيرلره !شكيل لره!

اوره ييميز خوش اولور قلبيميزين ساغلامليق خبرين ائشيتمه يينه!

اوره ييميز خوشدوركي فوتبالا باخيريق وتوخوم چيتلاييريق!

اوره ييميز خوش اولور اوزن يوخولار!

و زمان گئدير !!

اوره ييميز خوش اولور بيرآغلاماغا،بير فاتحه، بير.....

اوره ييميز خوش اولوركي بيريسي وار تا ياس مراسيمي بيزه تؤره ده!! ايكي اوچ داملا ،آغلايا!!

اوره ييميز خوش اولور يوالدان كئچن قبريميزين اوزون اوخويا!!آديميز ،سانيميزي سؤيله يه!

 ان يايقين معده تورشاماق  عيلتي ريفلاكس حالتي دير، ريفلاكس اصلده ؛ معده نين ايچينده كيلر ،مئري يه قايدير؛معمولا ياريم الي ايكي ساعات يئمكدن سونرا اؤز وئره ر؛شخص بئله دوشونه ر كي معده نين اسيدي آغزينا گلير.

بو فردلرده ريفلاكسين عمده عيلتي؛كارديا بوغازينين  فيشاري آزالماقداندي، كارديا  مري ومعده نين آراسيندا  بير بوغاز ديركي قويماز معده نين اسيدي ،مري يه قايتسين،عموميتله ياغلي يئمك دن سونرا بو حالت اؤز وئرر.

آرتيرمالييق ،ريفلاكس حالتي اوز وئرنده باعيث اولو آغيز و ديش لر اسيدي  اولسونلار ،اسيدي اولماق ديش لرين قورد يئمگينه سبب اولار.

بير سيرا اينسانلار ،سسلرينين  صبج چاغيندا  توتولماسيندان وگون عرضيينده آچيلماغيندان دئييرلر،يئني آراشديرمالار گوسته رير،ريفلاكس ايله تورشاماغا مبتلا ديرلار؛سينوزيت وايست قلبي ، ياتماق چاغيندا  ايمكاني وار اوز وئره.

توصيه اولونور اؤزونوزو ؛معده تورشاماغيندان ،قوروماق اوچون،ياغلي يئمك لردن اوزاق گزين!

ياخچي دير بيله سيزكي گازلي نوشابه ، شورخيار،ادويه جات،پيتزا وسيگار چكمك ريفلاكسي چوخالدار

اؤنملي مسئله بودوركي غذاني يئمك دن سونرا اوزانماياق بلكه بير الي ايكي ساعت آرا وئرماق لازيم دير!

بينابن مجليس ده اولان نوماينده سي آرتير:هنرمندلري كي بو آيدا فيليم انشا ائله مه يه مشغول ايديلر،بير آيري فضانيسبت ديني حوزه سيندن سئير ائله ييرلر!بو عاميل سبب اولور ياخچي باخيشلا فيليم لرقورولماسين!

بينابين نوماينده سي سؤزلرينين آردين دا آرتيردي؛ ايچلي ومحتوالي فيليم قورماق اوچون گرك او شخص لردن فايدالاناق كي هم دين وسينماقونوسوندا چاليشيبلار .

باقري ،يولاري كي باعيث اولار عمومي ايقبال اوروجلوق آينين فيلم لرينه قايدا لار بئله بير يوللار پيشنهاد وئردي،فيليم لرين يايما زماني دگيشه چون فيليم لرين يايما زماني مصاديف دي مردمون اوج عيبادت   و ايفطاريله.

ا

اؤز عصرينين ان بؤيوك پاديشاهي، الكساندر،دونيانين چوخلو اؤلكه لرينه غاليب گلندن سونرا ،وطنينه قايداراق ؛يولدا خسته لنير ونئچه آيلار ياتاقلي اولور،اؤلومو ياخينناشاراق ، آنلادي كي ظفرلر،اوردولار،ثيروتي ،كسرلي قيلينجي ،هاميسي ده ير سيزدير!

ايسكندر اوردوسونون باشچي لارين چاغيرير و دئيير:

من بودونياني ترك ائده جه يه م. اما سيزلردن اوچ ايسته ييم وار؛لوطفا ايستك لريمي يئرينه گتيرين!

اوردونون باشچي لار آغلاياراق ؛قبول ائله ديلر كي ايسكندرين ايستگين يئرينه يئتيرسينلر.

ايسكندر دئدي:بيرينجي ايسته ييم، بودوركي،  منيم تابوتومو ،حكيم لر چيينلرينده  آپارسينلار.

ايكينجي سي؛تابوتومو قبره ساري آپاراركن؛ آپارديغيز يول ،گرك  خزانه مده يغيلميش ،قيزل وجواهيراتلا قالانميش ايله دولو اولسون.

اوچونجوسو:گرك اللريم، تابوتدان ائشيگه ساللانميش اولسون.

اوردا توپلانميش آداملار ،شاهين ،ايستكلريندن متعجب اولموشدولار

اما كيمسه اعتيراضا ،جراتي يوخ ايدي!

اوردونون باشچي لارين بيريسي، ايسكندرين الين اورگينه قوياراق دئدي:

 شاهنشاها ،سؤز وئريرم تمام ايستكلرينيزي يئرينه يئتيرم اما سؤيله يين نه دن ،بوجور عجيب ايستگينيز وار!

ايسكندر، ده رين نفس آلاراق، دئدي:

من ايسته ييرم دونياني ؛اوچ درسيدن كئ تازا اؤيره نميشم آگاه ائله ييم ؛ ايسته ييرم، تابوتومو حكيم لر حمل ائله سين تا ميلت دوشونسونلركئ:

هئچ حكيم گئرچكدن گوجو ،يوخدور بير اينساني شفا وئرسين! حكيم لر ضعيفديرلر وائله يه بيلمزلر، اينساني اؤلوم چنگاليندان نيجات وئرسين لر!

ايكنجي ايسته ييم ، قيزل وجواهيرات قبريمين يولونا تؤكه سيز وقالاياسيز!تا ميلت بيلسين لر كي اؤزومله هئچ قيزل وجواهير بودونيادان  آپارامميرام!وبو جواهيرات منيم درديمه گلمير!! بلكه ميلت آنلاسينلار واؤزياشايش لارين هئچه الدن وئرمسينلر!

اوچونجو ايسته ييم،اللريمئ ،تابوتدان ائشيگه قويماق دان منظوروم، بودور، ميلت ،آنلاسين كي من بو دونيايا الي بوش گلديم و الي بوش گئديرم!

ايسكندرين سون سؤزو: بدنيمي توپراغا تاپيشيرين!مقبره  تيكمه يين! اللريمي قويون ائشيكده قالسين!

دونيا بيلسين،اوشخص كي هرنمه نه يه بو دونيادا ال تاپميشدير ايندي  الي بوشدور!!

بيرگون بير بالاجا قيز آناسيندان سوروشار:آناجان اينسانين سويو(نژادي) هاردان گليب؟

آنا دئيه ر:اولوتانري، حضرت آدام وحواني ياراتدئ،و اونلارين اوشاقلاري اولدو،بئله ليكله ،اينسانين نژادي وجودا گلدي.

ايكي گوندن سونرا، قيزاوشاغي، عين سوالي آتاسيندان سوروشدو:

آتا دئدي: ميليونلار ايل اؤنجه، ميمون لار ،تكامل تاپديلار و اينسانين نژادي وجودا گلدي!

قيز اوشاغي گيج قالدي؛قاچا قاچا آناسين يانينا گئتدي و

دئدي :آنا، سن دئدين: بيزلري تانري يارالديب اما آتام دئيير بيز ميمون لارين تكامل يافته سيييك !من آنلاماديم!

آناسي دئدي  عزيزيم چوخ ساده دي؛ من اؤزعاييله مين حاقيندا دئديم وآتان، اؤز عاييله سينين حاقيندا دئدي!!

ايمام صاديق(ع)بويوروب: يولداشاليغا بير سئري سينيرلار  لازيم!تام سينيرلار او شخص ده اولماسا،اونو كاميل يولداش سانيماق اولماز،او شخصده ، هئچ بير سينيرلار اولماسا ،اونلا هئچ مرتبه ده دوستلوق ائله مه!!

بيرينجي شرط: گيزلي،آيديني سنه بير اولسون!

ايكينجي شرط: سنين باش اوجاليقيوي،اؤزباش اوجاليقي وسنين باش آشاغيليوي اؤز باش آشاغليقي بيلسين

اوچونجو شرط: ثيروت ايله مقام اوندا دگيشيك ياراتمايا

دؤردونجوشرط:الينده اولاني سنه اسيرگه مه يه!

بئشينجي شرط:چتين ليك دؤنومونده ،سني يالنيز بوراخمايا!

ايليك دفعه يهودي لرين باشينا گئتديلر

يهودي دئييلديم! اعتيراض ائتمه ديم!

اوندان سونرا لهستانلي لارين باشينا يورودولر!

اعتيراض ائتمه ديم !چون لهستانلي دئييلديم!

سونرا نوبت (اولام )كمونيست لر يئتيشدئ!

كمونيست دئييلديم!پس اعتيراض ائتمه ديم!

سوندا منيم باشيما گلديرلر!هرنه هاراي چكديم كيمسه قالماميش دئ ! اعتيراض ائت سين!!

(برتولت برشت)

تغذيه يئ موشكوللردن اوروجلوق آيندا بيريسي ،ميوه وگؤيون آز يئمگي دير،معمولا گنج لر ترجيح وئريرلر اؤز يئمك لرينين كناريندا گازلي ايشمليلردن فايدالانسين لار.اما بوايش علاوه بر بوكي فايداسي يوخدور بلكه چوخراق ضرري وار.

گؤي وميوه يئمه مك اوروجلوق آيندا باعيث اولار معدني مواد ايله ويتامين لر يئترلي قدر بدنه يئتيشمه سينلر و سونونجاسي بير سيرا عواريض اولار ،اوجومله دن:بدنين ديرنيشي باكترلرين قاباغيندا آزالار،يوبوست ،باشين توكو تؤكولمك دن سايماق اولار.

اوباشدان يئمه مك

اگر اوباشدانليق، يئمك وعده لريندن حذف اولا،اوزون زامان دا آج قالماق باعيث اولار قندين فيشاري يئنه وآزالا،كي بو آزالماغين پيامي بونلاردان عيبارتدير:خسته ليك ،بدن آغريسي،حيرسلنمك،باش آغري ايله باش گيچلماق.

علاوه بر بونلار اوباشدان يئمه مك باعيث اولارتئز آجاق ايله تئز سوسوزلاياق نتيجه ته ن اوروجوموزو باشا جان ،توتامميياق وبو تانرينين رحمتيندن اوزاق توشك.

ايندي بير سيرا توصيه اوروج توتماق حاقيندا:

اوباشدان چاغين ،هئچ زامان اونودمايين

اوباشداندا ، ات ودوزلو يئمك لردن آز مئيل ائله يين، چونكي، گون عرضينده سوسوزلايارسيز

سو ،۶الي ۸ ليوان سو ايشمك ،ايفطار دان اوباشدانا دك ،بدنه لازيم دير

زولبييه وبامييه نين چوخ يئمه ييندن پرهيز ائله يين

ياخچي دير، ايفطارينيزي ايليخ سو ياچاي ايله پنير وخورما يا گيرده كانلا آچاسيز

كيشي روزنامه اوخوياراق ،حيات يولداشينا گولمسه يه رك دئدي:روزنامه ده يازيب،آراشديريجي لارين ال تاپديغي بيلگي لر گؤره،قادين لار اورتالاما بيرگون ده ۳۰مين كلمه دانيشيرلار، اما كيشي لر اورتالاما۱۵۰۰كلمه دانيشيرلار!

قادين دئدي:عيللتي بودوركي، بيزلر گرك هرنمه نه نئ، ايكي سئري ،سيزه دئيك تا  آنلاياسيز!!

كيشي دئدي :نمه نه!!

ايسنانين وئرديگي معلوماتينا گؤره،محمد يونيس ،اركان بؤلگه سينين موسلمانلارينين رهبري  بير سئري ايظهارات دا،اعلام ائله دي:ظولم لركي بوداي لرين طرفيندن ،موسلمان لارين حاقيندا گئدير دولتين حمايتيله اولونور،محمد يونيس آرتيردي ،بو اولايلار ژوئنين اوچونده باش وئريب اما اينديه دك آرديني وار.

يونيس   ،توركيه نين دين اموروسونون چاغريشيلاتوركيه ده كئچيريلن ايسلام يغينجاغيندا شيركت ائله ييب،ايسلامي اؤلكه لرين سوسماسين بو سوي قيريم حاقيندا محكوم ائله ييب.

يونيس آرتيردي،بير حالداكي بودايي لر موسلمانلارا حتك حورمت وقادين لار تجاووز ائله ييرلر،ميانمار دولتي ،ميانمارلي  آيدين دوشونجه موسلمانلاري دوستاغا سالير وبودايي لره يارديم آپاريرو تاسوفله موسلمان وغرب اؤلكه لريده بو ايشين قيباليندا سوسوبلار.

آرتيرمالييق كي  ميانماردا ۸۰۰مينه ياخين موسلمان وار كي بونلاري روهينگا آدلانديريرلاراما ميانمار دولتي بونلاري يابانجي سايير واونلار وطن داشليق وئرمير وبوموسلمانلاري بنگلادئشدن كوچه ري بير قوم تانيير.